Beiras en Pontevedra. Vídeo do mitin de AGE ( Esquerda Unida- ANOVA )

Flor Maceiras, Antón Sánchez e Xosé Manuel Beiras na presentación-mitin de Alternativa Galega de Esquerda en Bergondo(Casa da Cultura).

Beiras anima aos cidadáns a “desaloxar aos bárbaros do PP” nas vindeiras eleccións autonómicas

O candidato de Alternativa Galega de Esquerda, Xosé Manuel Beiras, insistiu na necesidade de formar unha unidade de acción que permita "desaloxar aos bárbaros do PP do Parlamento Galego e do Goberno de Galiza" xa que é o único xeito de acabar coa "descomposición do Estado e o esperpento valleinclesco que estamos a vivir".

O Acordo de coalición entre ANOVA e EU, é a concreción posíbel até agora, da oferta de fronte ampla proposta por ANOVA ao BNG, CxG, EU.

Rolda de Prensa - XM Beiras - ANOVA (08-09-2012)

"A coalición é un acordo de unidade de acción e non un casamento, e segue aberta"

"A coalición é un acordo de unidade de acción para dar a réplica que se merecen á caterva de espoliadores, agresores dos dereitos cidadáns, deturpadores e inversores dos contidos de autogoberno logrados e conquistados historicamente de maneira limitada no Estatuto de Galiza, que hoxe ocupan a maioría parlamentaria e a Xunta de San Caetano ou brigada de demolición e limpeza étnica."