TV Beiras 2012

 

A nosa canle en youtube:
TV Beiras 2012

Síguenos en

FacebookTwitter

O voceiro do Grupo parlamentario de Alternativa Galega de Esquerda, Xosé Manuel Beiras, lamenta que o PP reaccione á situación actual decindo que Galiza está mellor que outras comunidades porque "como dí un refrán castelán: mal de muchos, consuelo de tontos"

Ler máis...

 

Emenda á totalidade, de devolución, dos Orzamentos Xerais da Comunidade Autónoma para o ano 2013 presentada polo grupo de Alternativa Galega de Esquerda a través do seu portavoz Xosé Manuel Beiras Torrado.

 

O resultado da 'consolidación fiscal', en tódolos países onde se aplica é esactamente o contrario do obxectivo que proclama perseguir: eleva sistemáticamente o endebedamento e a cárrega do seu servizo. Por razóns teóricas que están nos fundamentos da macroeconomía, e que só ignoran os 'zombies' -Stiglitz dixit, non AGE- travestidos en economistas que asesoran ou transmiten as consignas a gobernantes ignorantes ou dispostos a todo para servir aos 'mercados' no canto dos cidadáns.

Ler máis...

 

David F. Calviño dende Alternativa Galega de Esquerda denuncia que o castelán cada vez ten máis presenza na programación da CRTVG e insta a que, de acordo coa súa lei de creación, os medios públicos fomenten máis a identidade nacional galega Tamén aposta por unha CRTVG "pública e independente", cunhas "boas condicións laborais" para a súa plantilla.

Ler máis...

 

O deputado David Fernández acusa ao Goberno de Feijóo de "pasar por riba do Estatuto e renunciar á comarcalización"
Para Alternativa Galega de Esquerda (AGE), a política da Consellería de Medio Ambiente, Territorio e Infraestruturas "non funciona para os problemas deste país". Nin o fixo nos anteriores catro anos nin o fará en 2013, á vista do proxecto de Orzamentos de 2013 presentados hoxe en comisión parlamentaria. Así o expuxo o deputado David Fernández Calviño, quen acusou ao responsábel da área, o popular Agustín Hernández, de "pasar por riba do Estatuto de Autonomía e renunciar á comarcalización".

Ler máis...

 

Xosé Manuel Beiras reclama unha nova "transición" política


O portavoz parlamentario de Alternativa Galega de Esquerda (AGE) e portavoz nacional de Anova - Irmandade Nacionalista, Xosé M. Beiras, asegura que estamos diante dun réxime político "en proceso de descomposición". Cre que logo da Transición naceu un sistema político "de baixa intensidade, con moitos lastres herdados e taras de orixe". Por este motivo, pensa que hai que facer unha nova transición política. "Estamos ante o fin dun ciclo histórico, nunha fase terminal, nunha crise de hexemonía unida a un contexto internacional adverso", explica. Doutra banda, afirma que para saír da crise hai que aplicar políticas económicas contrarias ás que se están poñendo en marcha, políticas que en moitos casos, ao seu xuízo, "matan", e pon como exemplo os desafiuzamentos e a sanidade.

Prema aquí para escoitar a entrevista.

 

"As nosas emendas inverten a lóxica de asignación de recursos da Xunta para defendermos a cidadanía", afirma Xosé Manuel Beiras
"Nós pretendemos introducir outra lóxica nos Orzamentos da Xunta para 2013, inverter a súa asignación de recursos e así defender aquilo ao que nos comprometemos, a cidadanía". Con esta liña de forza, explicada por Xosé Manuel Beiras, o grupo parlamentario de Alternativa Galega de Esquerda (AGE) presentou esta mañá, no Parlamento de Galicia, as súas emendas á totalidade das contas do Goberno do PP para 2013. E nelas constan as propostas segundo as que o Orzamento podería contar con case 600 millóns de euros máis, destinados a financiar sanidade, educación, servizos sociais ou políticas de medio ambiente, as prioridades de AGE.

 

Ler máis...

 

A deputada de Alternativa Galega de Esquerda asegura que só hai un obxetivo para o Goberno do PP, "pagar a débeda nacionalizada dos especuladores financieiros e calqueira outro posible obxetivo queda supeditado a él".
A deputada de Alternativa Galega de Esquerda, definiu os orzamentos da Xunta para 2013 como "os Orzamentos do Desemprego, da Desprotección Social, do abandono dos sectores produtivos e que condenan ao país á regresión, á pobreza e á incultura".
O primeiro que chama a atención tal e como destacou a deputada de AGE é a falla de definición de obxectivos para o país, de estratexia de futuro, de aposta polos sectores produtivos galegos. "Só hai un obxectivo que queda claramente definido, a estabilidade orzamentaria ou o que é o mesmo, pagar a débeda nacionalizada dos especuladores financeiros e calquera outro posible obxectivo queda supeditado a él" afirmou Consuelo Martínez.

 

Ler máis...

 

Anova – Irmandade Nacionalista de Ourense organiza os días 19 e 20 de xaneiro unhas xornadas nas que se abordarán temáticas sobre o noso tempo e sobre as transformacións sociais urxentes. A intención é que xurda un substancioso debate colectivo e que os relatores estimulen o inicio dos debates.

Terán lugar o sábado 19 e o domingo 20 deste mes de xaneiro.

Ler máis...