O Grupo de Traballo de Mocidade de Anova presenta unha serie de emendas ao Anteproxecto de Decreto polo que se aproba o regulamento do Consello Asesor e Consultivo da Xuventude de Galiza.

O proxecto plantexa un órgano cunha estrutura practicamente vertical, máis propia dun sistema de "ordeno e mando" que dun deliberativo e de consenso.

É insultante que as organizacións estudantís apenas teñan representación e que se organice unha estrutura vertical.

Alternativa Galega de Esquerda cualifica o borrador da presidencia do Parlamento sobre as normas de acceso de "regulamento propio dun centro penitenciario"
O portavoz Xosé Manuel Beiras remite un escrito a Pilar Rojo en que asegura que o seu grupo chegou á Cámara "para traballar a prol non só dos electores de AGE, senón da maioría social deste pobo, a cada pouco máis maltratada"

* Acceder á carta aquí.

Unha lei centralista, inxusta, antidemocrática e reaccionaria.

A pretendida Lei para a Mellora da Calidade Educativa (LOMCE) do tertuliano Wert non é máis ca o cabalo de Troia co que os neoliberais do PP pretenden afogar o ensino público de calidade, laico, científico e progresista para poñelo en mans destas organizacións e converter o sistema educativo nunha fábrica de consumidores de produtos financeiros privados en detrimento dos servizos públicos que garanten dereitos tan básicos como o das pensións ou o das prestacións por desemprego.

[Texto: Anova Vigo - Fotos: Anova Teo]

O proxecto de lei do Goberno de Rajoy é un ataque inaceptábel contra a educación pública e contra o galego.
Alternativa Galega de Esquerda (AGE) apoia todas as mobilizacións estudantís que, ao longo desta semana, defenderán o ensino público do gravísimo ataque do proxecto da denominada Ley Orgánica para Mejora de la Calidad Educativa (Lomce). Esta norma, aínda en fase de tramitación e impulsada polo Goberno español do PP a través do seu ministro José Ignacio Wert, implica, entre outras cuestións, a posibilidade da privatización das unidades de ensino non obrigatoria, desvirtúa o ensino das linguas que a Constitución chama "cooficiais", reduce a autonomía galega no referente á educación, introduce os concertos con centros privados no bacharelato, ampara a segregación do alumnado por sexo e atenta contra a democracia e a independencia dos colexios e institutos ao outorgar máis potestade á Administración para a inxerencia nos procesos internos dos centros públicos.
Por estas razóns, o grupo parlamentario de AGE chama a secundar todas as protestas convocadas polas organizacións estudantís en Galicia ao longo desta semana. "Trátase dunha lei elitista, segregadora e reaccionaria. Hai que parala", afirma o deputado de AGE, Ramón Vázquez.